428 plâj arasından Qırımdakilerniñ yalıñız dörtte biri kurort sezonına azırdır. Bunı, aprelniñ 26-nda şeer ve rayon yolbaşçılarınen işbu saanen bağlı hususiy toplaşuv esnasında turizmni teşkergen ve Kreml nezareti altındaki ükümet reisiniñ yardımcısı Larisa Opanasük qayd etip keçti, dep bildire «Krıminform».
«Mayısnıñ 1-ne qadar pek az vaqtımız qaldı, lâkin 428 plâjdan 109 kurort sezonına azır olğanını aytmaq mumkün», - dey Opanasük.
Öz nevbetinde, Kreml tarafından tayin etilgen Qırım ükümetiniñ yolbaşçısı Sergey Aksönov yarımada plâjlarınıñ tertipke ketirilmesini talap ete.
Aprel ayınıñ başında Qırım MÇS idaresi, Qırım plâjları sail boylap telikeli maddelerden temizlengeni aqqında bildirgen edi. Qırım qurtarıcıları yarımadanıñ 63 plâjındaki suv astını temizlegen ve umumen raatlanmaq içün sail boyundaki 367 noqtağa resmi ruhset beirgendir.
Qırımnıñ Rusiye nezareti altındaki akimiyeti kurort sezonı mayısnıñ 1-nde açılacağını bildirmekte.
