Link açıqlığı

Saatnıñ esas haberi

Qırımda Opuk arbiy idman alanında BM-21 «Grad» ve Obüs silâlarını qullandılar


Rusiye Qara deñiz flotunıñ quvetlerini deñep başladı (video)
Bekleñiz, lütfen

No media source currently available

0:00 0:01:18 0:00

Rusiye Qara deñiz flotunıñ quvetlerini deñep başladı (video)

Rusiye Mudafaa nazirligi, aprel 20 künü qış mevsiminde gemi birleşmeleri, sahil orduları ve Rusiye Qara deñiz flot uçaqlarınıñ qış mevsimindeki idmanlarınıñ teşkerüvi aqqında haber etti.

Ayrıca, işğal etilgen Qırımda Opuk deñiz desant idman alanında topçi bölükleri duşmannıñ ateş noqtalarını yoq etkenlerini farz etkeni bildirile. Bu maqsatnen BM-21 «Grad», özleri yürgen topçi komleksler ve tartılğan Obüsler (Gaubitsa) qullanıldı. Bunen beraber, darbe nişanlarınıñ doğrulığını teşkermek içün, uzaqtan idare etilgen «Forpost» uçuş aletleri qullanılğanı haber etile.

Bundan ğayrı, Rusiye Mudafaa nazirligi deñizde de idmanlar ötkerilgenini beyan ete.

Matbuat hızmetiniñ bildirüvinde: «Avalı «Samum» raketalı gemisi, «Miraj» kiçik raketalı gemisi, raketalı «İvanovets» kateri, «Р-239», «Р-60», «Muromets» ve «Suzdalets» ASW gemileri, «İvan Golubets» deñiz tarama gemisi, eki taraflı teşkerüv idmanı çerçivesinde qarşılıqlı uruşnı deñep aldı, birlikte areket etüvni ve atılğan paraşüt nişanları ile deñizde sürülgen qalqan gemige ateş açmaqnı talim etti. Gemi quvetleriniñ areketini teminlemek içün destek gemileri, ve Qara deñiz flotunıñ Deñiz aviatsiyasınıñ Su-30SM çeşit maqsatlı qırıcı-uçarları, Su-24M cebe bombacıları, Be-12 gemige qarşı amfibiya-uçaqları, An-26 arbiy yük taşıyıcı uçaqları celp etildi», – dep aytıla.

Rus Mudafaa nazirligi, bu idman tedbirlerine tahminen 15 arbiy gemi ve destek gemisi, 15 qadar arbiy ucaq, 1000 ziyade arbiy techizat celp etilgenini qayd ete.

Bundan evel, işğal etilgen Qırımda aprel 17 künü Rusiyeniñ Cenübiy arbiy bölügi Qara deñiz Flotunıñ qış ögrenüvlerini teşkerip başlağanı haber etilgen edi. Teşkerüv aprelniñ soñuna qadar devam etecektir.

Ukrainanıñ Baş idaresi Rusiyeniñ Qırımda keçirgen arbiy idmanlarını qanunsız tanıdı.

XS
SM
MD
LG