Link açıqlığı

Qırımdaki mahkeme «fevral 26 davasınıñ» oturışını beş künge avuştırdı – Semedlâyev


Edem Semedlâyev, arhiv fotoresimi

Kreml kontrol etken Qırım Yuqarı mahkemesi «fevral 26 davasınıñ» oturışını advokatlar esnasta iştirak etip olamağanı içün avuştırdı. Bunı Qırım advokatı Edem Semedlâyev aprelniñ 20-de Qırım.Aqiqatqa bildirdi.

«Saat 11-de oturış başladı. Lâkin advokat Taras Omelçenko Keriçte cinaiy işte iştirak etip, belgilengen saatke kelip olamağanı içün toplaşuvnı saat 13.00 keçirmege rica etti. Men de oturışnı keççe keçirmege rica ettim. Saat 15.00 Rostov-na-Donu şeerine ketem, yarın Ruslan Zeytullayevniñ esnasında iştirak etecem. Mahkemeci muracaatnı qanaatlendirip, oturışnı aprelniñ 25-ne avuştırdı», – dep qayd etti Semedlâyev.

Rusiye Qırımnı işğal etken soñ yarımadada 2014 senesi fevral 26-da Ukraina topraq bütünligi mitinginde iştirak etkenlerni mahkeme etmege başladılar. Olarğa qarşı o vaqıt Qırımnıñ şimdiki yolbaşçısı Sergey Aksenovnıñ reberiyeti altında «Rus birligi» çıqqan edi.

İyül 20-de mahkeme qapalı toplaşuvda «fevral 26 işini» ekige bölgen soñ oldı: ayrı – Ahtem Çiygoz boyunca, ve ayrı – cinaiy iş boyunca qabaatlanğan Ali Asanov ve Mustafa Degermenci boyunca.

Kreml kontrol etken Aqmescitniñ merkeziy rayon mahkemesi aprelniñ 6-da «fevral 26 davasınıñ» mabüsleri Ali Asanov ve Mustafa Degermenciniñ cezasın deñiştirip, olarnı ev apsine yolladı.

XS
SM
MD
LG