Link açıqlığı

Saatnıñ esas haberi

«Çiygoz davasınıñ» şaatı qabaatlanğannıñ fevral 26 mitingi vaqtında qanunsız bir areket yapqanını körmegen – advokat


2014 senesi fevral 26 künü Aqmescitteki miting, arhiv fotoresimi
2014 senesi fevral 26 künü Aqmescitteki miting, arhiv fotoresimi

«Çiygoz davasınıñ» 105-inci mahkeme oturışında imaye şaatı Şevket Memetov qabaatlanğan kişiniñ 2014 senesi fevralniñ 26-da Qırım Yuqarı Şurası ögünde olıp keçken miting vaqtında qanunsız bir areketlernen bağlı çağıruv yapqanını körmegenini tarif etti. Bu aqta advokat Nikolay Polozov video muracaatında ayta.

«O, (Şevket Memetov – QA) 2014 senesi fevralniñ 26-da ATR telekanalınıñ hadimlerinen beraber taşıma televizion studiyasını qurıp, vaqialarnıñ merkezinde olğanını tarif etti. Şaat Ahtem Çiygoznı kün devamında kördi, o, Çiygoz miting iştirakçilerini qanunsız bir areket yapmağa çağırmağanını, «bas», «ur» dep aytmağanını, miting iştirakçilerine toqtamağa rica etkenini ve bir-birini itmege çağırmağanını ayttı. Enver Arpatlı ile bağlı malümat berdi, Arpatlı faal edi, Çiygoz ise onı toqtatmağa tırışqan edi», – dep ayttı Polozov.

Advokatnıñ bildirgenine köre, şaatnıñ aytqanına köre, Ukrainağa qoltutqan miting iştirakçileriniñ yanında zorbalıq areketlerini yapmaq içün qullanıla bilecek bir şey yoq edi.

Ahtem Çiygoz 2015 senesi yanvar ayında 2014 senesi fevral 26-da Qırım Yuqarı Radasınıñ binası ögünde keçirilgen Ukraina topraq bütünligine qoltutuv mitinginde iştirak etkeni içün yaqalanğan edi. O vaqıt Rusiye tarafını tutqan, şu cümleden «Rus Birligi» firqası, miting iştirakçilerine qarşı çıqqan edi.

Rusiye mahkemesi iyül 20-de qapalı toplaşuvda «fevral 26 işini» ekige böldi: ayrı – Ahtem Çiygoz boyunca, ve ayrı – cinaiy iş boyunca qabaatlanğan Ali Asanov ve Mustafa Degermenci boyunca.

XS
SM
MD
LG