Link açıqlığı

Saatnıñ esas haberi

Qırımda bir yıl devamında qabarcılıq sebebinden memurlarğa qarşı 250 ziyade cinaiy iş açıldı


Tsviriy fotoresim
Tsviriy fotoresim

2016 senesi devamında Qırımda qabarcılıq cinayeti işlegenlerinde qabaatlanğan memurlarğa qarşı 250 ziyade cinaiy iş açıldı. Bu aqta aprel 14 künü öz maruzasında Kremlniñ nezaretindeki Qırımdaki Rusiye Taqiqat komitetiniñ DQK dava nezaret idaresiniñ reberi Anton Dudin beyan etti.

Kremlniñ nezaretindeki Qırım akimiyetiniñ matbuat hızmeti: «Anton Dudin bildirüvlerniñ baqılması ve devlet organları ile yerli öz-özüni idare etüv organlarınıñ hızmetçilerge qarşı qabarcılıq cinayetleri sebebinden cinaiy davalarnıñ taqiq neticeleri aqqında maruza oqudı. Maruzacı haner etti ki, 2016 senesi devamında qabarcılıq cinayeti işlegenlerge qarşı 252 cinaiy iş açıldı», – dep bildire.

Aprelniñ başında işğal olunğan Qırımda Kremlge bağlı Or Qapı memuriyetiniñ yolbaşçısına qarşı cinaiy iş açıldı. O qabar alğanında qabaatlana.

Bundan evel, mart 15 künü Kreml nezaretindeki Qırım Yuqarı mahkemesi yarımadanıñ rusiyeli akimiyetiniñ sabıq yolbaşçı müavini Oleg Kazurinni apiste qaldırdı. Taqiqat malümatına köre, 2016 senesi avgusttan dekabr ayına qadar o aracı yardımınen bundan evel añlaşqanları kibi 27 million ruble qabar parasını aldı.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG