Link açıqlığı

Saatnıñ esas haberi

Qırım müftiyligi acılıqqa baracaqlarnıñ vesiqalarını qabul etmege başladı


Örnek resim, musulmanlar acılıqqa yol ala
Örnek resim, musulmanlar acılıqqa yol ala

Kreml kontrol etken Qırım ve Aqyar musulmanları Diniy idaresi 2017 senesi acılıqqa baracaqlarnıñ vesiqaları qabul etilmege başlağanını ilân etti. Bunı müftiylikniñ matbuat hızmeti bildirdi.

«Qırım ve Aqyar musulmanları diniy idaresi Saudiy Arabistannıñ muqaddes Mekke ve Medinede acılıq ibadetini yerine ketirmege niyetlengenlerniñ vesiqalarını qabul etmege başladı. Bu sene musulmanlar içün eki programma azırlandı», – dep aytıla haberde.

«Ekonom» programmasınıñ fiyatı 2 200 dollar, «Komfort» programmasınıñ fiyatı ise 2 900 dollarnı teşkil etmekte.

QAMDİ 2014 senesi Qırım Rusiye tarafından işğal etilgen soñ yapacaq areketlerini Meclis ile muzakere etmey. Yanvar 16-17 künleri Herson vilâyetiniñ Geniçesk rayonında olıp keçken Dünya qırımtatar kongressi icra şurasınıñ toplaşuvında esas Ukrainada Müftiylikni qurmağa qarar alındı.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG