Link açıqlığı

Saatnıñ esas haberi

Gaagada mahkeme aprel 19 künü Rusiyege qarşı muvaqqat tedbirlerniñ alınılması aqqında Ukrainanıñ muracaatına cevap berecek


BMT Halqara mahkemesi
BMT Halqara mahkemesi

Birleşken Milletler Teşkilâtınıñ Halqara mahkemesi aprel 19 künü Rusiye ve Ukraina arasındaki davada muvaqqat tedbirlerniñ alınılması aqqından qarar berecek. Müessiseniñ matbuat hızmeti, mahkeme toplaşuvı Gaagada keçecegini haber ete. Toplaşuv, yerli saatke köre, saat 15:00 başlanacağı beklenile.

Yanvarda Ukraina BMT Halqara mahkemesinde, Terörizmge maddiy destek köstermesine qarşı Halqara añlaşma ve Er türlü ırq ayırımınıñ yoq etilmesi boyunca Halqara añlaşmalarını bozğanında Rusiyeni qabaatlap, Rusiyege qarşı dava açtı. Bu aftanıñ başında Gaagada çalışqan BMT Yüksek mahkemesinde dava boyunca oturuşlar başlandı.

Ukraina Gaaga Halqara mahkemege,Rusiyege qarşı iş baqılacaq vaqıtta üküm sürecek muvaqqat tedbirlerniñ alınılması aqqında rica ete. Bu çareler sırasında – Rusiyeniñ «Ukrainada vatandaşlarğa qarşı terrorizm areketlerini yapqan taqımlarğa» maddiy ve diger destek bermesini toqtatmaq, ve bu taqımlarğa artıq böyle areketler yapmamaları içün tesir etmesini, em de Qırımda diskriminatsiyadan vazgeçmege, ayrıca, Qırımtatar Milliy Meclisi ve onıñ faaliyetini yasaq etmemesini ve ğayıp olğan qırımtatarlarnıñ taqiqatını alıp barmasını talap etmek.

Rusiye Qırımnı zapt etken soñ Donbasta silâlı çatışma devam ete, onıñ neticesinde, BM malümatına köre, aman-aman 10 000 insan elâk oldı. Ukraina ve Ğarp, Rusiyeni separatistlerge qoltutqanı ile qabaatlaylar. Kreml bunı inkâr etip, Donbassta Rusiye «göñüllileri» bar ola bile, dep bildire.

XS
SM
MD
LG