Tuvğanlarına qırımtatarca mektüp yazğanından kartserge atıldı (video)

İşğalci akimiyet terrorizmde şeklegen beş Aqmescitli qırımtatarından biri Teymur Abdullayev tuvğanlarına ana tilinde mektüp yazğanı içün üç künge kartserge atıldı. Bunı advokatı Emil Kürbedinov bildirdi. İmayeciniñ aytqanına köre, apis odasında keçirilgen tintüv vaqtında Abdullayevniñ qorantasına qırımtatarca yazğan mektübi tapıldı. Bu mektüp alındı, Abdullayev onı qaytarmağa talap etkende ise onı kartserge attılar. Üç künden berli onı anda tutalar.