Link açıqlığı

Saatnıñ esas haberi

Kyivde Qırımda qayd etilgen 43 qaçıruvğa dair esabat taqdim etildi


Kyivde aq qorçalayıcılar mart 23-de Qırımdaki 43 qaçıruv aqqında esabat berdi. «Krım SOS» cemaat teşkilâtınıñ faalleri 2014 senesi fevral 27 künü ve 2016 senesi dekabr 31 tarihleri arasında işğal etilgen Qırımda qaçırılğan insanlarnı qayd etken vesiqa aqqında matbuat konferentsiyasında tarif etti.

Qırım.Aqiqat aq qorçalayıcılarnıñ matbuat konferentsiyasını canlı köstere.

Esabat müellifleriniñ aytqanına köre, bu müddet içinde Qırımda qaçırılğan 43 insandan 17-si soñra yiberildi, 18 kişi – tapılmadı ve ğayıp sayıla, altısı ölü tapıldı, eki kişi apiste tapılıp, siyasiy sebeplerden mahküm etilgen edi.

Qırım Rusiye tarafından zapt etilgen soñ FSB yarımadada jurnalist, faal, cemaat erbaplarınıñ evlerinde tintüvler keçirip, olarnı yaqalay, qırımtatarlar arasında yaqalavlar çoq oldı. Aq qorçalayıcılar «farqlı fikirlernen küreş» olğanını aytalar.

Ukraina Tışqı işler nazirligi işğal altındaki Qırımda Ukraina vatandaşlarınıñ taqip etilmesinden qasevetlengenini bildirip, basqılarnı toqtatmağa çağırğan edi.

XS
SM
MD
LG