Ahtem Çiygoz davasınıñ mahkemesinde şaat qabaatını tasdıqlamadı
Kreml kontrol etken Qırım Yuqarı mahkemesinde mart 22-de Qırımtatar Milliy Meclisiniñ reis muavini Ahtem Çiygoznıñ davası baqıldı. İmayeniñ birinci şaatı 2014 senesi fevral 26-da Qırım Muhtar Cumhuriyeti Yuqarı Şurasınıñ binası yanında olğan Rustem Refatovdır. Şaatnıñ qayd etkenine köre, o kün Ahtem Çiygoznı bir qaç kere kördi, lâkin Çiygoz qabaat şaatları aytqan areketlerni yapmadı.