Rusiye tarafından işğal etilgen Qırımda ve esas Ukrainada mart 21 künü qırımtatar mütefekkiri, yazıcı, maarifçi ve neşirci İsmail Gasprinskiyniñ doğğanından 166-ci yıllığını qayd eteler.
Kreml nezaretindeki Qırım Medeniyet nazirliginiñ matbuat hızmeti, Gasprinskiy adına qırımtatar kitaphaneisinde ananeviy «İsmail Gasprinskiyniñ dünyası» adlı edebiy oquvlar ötkerilecegini haber ete. Maarifçiniñ ayatı ve icadiy mirasına bağışlanğan bu oquvlar, 1997 senesinden başlap, er sene ötkerile.
İsmail Gasprinskiy (1851-7914) – qırımtatar mütefekkiri, maarifçi, neşirci ve siyasetçi olıp, ceditçilik ve türkçilik areketleriniñ tesisçilerinden biri. Gasprinskiyniñ dünyaviy ümdeleri ve ğayeleri liberal mefküre, cemiyetniñ teraqqiy inkişafı, slav ve türk halqlarnıñ dostluğı, hristian ve musulmanlarnıñ tolerans davranışı, sotsialistlerniñ radikal talaplarını red etmekte esaslana edi.
Gasprinskiy Bağçasaraya vefat oldı ve Zıncırlı medrese toprağında defin etilgen.
