Link açıqlığı

Saatnıñ esas haberi

Herson vilâyetinde Navrez baar bayramı qayd etilecek


Arhiv fotoresimi
Arhiv fotoresimi

Herson vilâyetiniñ Geniçesk rayonında mart 21-de qırımtatarlarnıñ Navrez baar bayramı qayd etilecektir.

Bunı Geniçesk rayon devlet memuriyeti yolbaşçısınıñ muavini, Qırımtatar Milliy Meclisiniñ azası Gülnara Bekirova Qırım.Aqiqatqa tarif etti.

«Tedbirlerniñ maqsadı qırımtatarlarnıñ ananeleri ve urf-adetlerinen tanış etmektir, yerli cemiyetlerge bir-birini añlamağa yardım etmektir», – dep qayd etti o.

Yerli rayon devlet memuriyetiniñ teşebbüsi ve yerli qırımtatar meclisleriniñ yardımı ile Rıkovo (evelki Partizanı) qasabasında bayram kontserti ötkerilecektir.

Kontsertte yerli qırımtatar kollektivleri çıqışta bulunacaq, em de sergi numayış etilecektir.

Yerli Meclislerniñ bildirgenine köre, Herson vilâyetinde Qırımnıñ tamır halqı qırımtatarlarınıñ 10 biñden ziyade temsilcisi yaşay. Ekseriyeti toplu şekilde Geniçeskte oturmaqta.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG