Link açıqlığı

Qırımda Yaltanıñ turistik daireli musafirhanesini auktsionğa çıqardılar. Bunı Kreml nezaretindeki Qırım mulk ve topraq muameleleri nazirliginiñ matbuat hızmeti bildirdi.

«Yaltada yerleşken turistik daireli musafirhaneniñ satış auktsionında iştirak etmege davet etemiz.Başlanğıç fiyatı 340 milion rublege yaqın», – qayd ettiler matbuat hızmetinde.

Auktsionda iştirak etmek içün özüni em yazılı em de elektron şekilde qayd etmek mümkün, dep qoştılar müessisede.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ilhâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG