Link açıqlığı

Mart 18 künü Türkiye Tışqı işler nazirligi, evel kibi, Qırım işğalini halqara uquqnıñ bozuluvı olaraq tanığanını bildirdi. Bu aqta Türkiye TİN sitesinde haber etile.

Bildirüvde bçyle yazıla: «Ukraynağa bağlı Qırım Muhtar Cumhuriyetiniñ, 2014 senesi mart 16 künü qanunsız referandumğa esaslanıp, Rusiye Federatsıyası tarafından işğal etilmesinden üç yıl keçti. Halqara uquqnı açıqtan bozğan bu areket neticesinde ortağa çıqqan vaziyetni tanımağanımıznı daa bir kere bildiremiz».

Beyanatta, Türkiye Qırımdaki vaziyetini nezarette tutmağa ve qırımtatarlarnıñ aqları içün küreşmege devam etecegi qayd etile.

2014 senesi mart 16 künü Qırım ve Aqyarda yarımadanıñ statusı aqqında referendum keçirildi, 2014 senesi mart 16 künü Qırım ve Aqyarda yarımadanıñ statusı aqqında, dünyada qabul etilmegen, referendum keçirildi, neticede Rusiye Qırımnı özüne qoşqanını ilân etti. Ukraina, Avropa birligi ve AQŞ bu rey berüvini tanımadılar ve Qırım Rusiye tarafında işğal etilgenini tasdiqlay.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ilhâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG