Link açıqlığı

Qırımda bala bağçalarına nevbette 25 biñden ziyade insan tura – akimiyet


Bala bağçasına yazılmaq içün nevbette turğanlar

Bala bağçasına yazılmaq içün nevbette turğanlar

Bugünki künde Qırımda mektepten ögündeki tasil müessiselerine 3 ve 7 yaş arasında balalarnıñ satısı 26 biñni teşkil ete, üç yaşından kiçik olğanlar ise – 3 biñni teşkil ete. Bunı Kreml nezaretindeki Qırım parlamentiniñ matbuat hızmeti bildire.

Kreml nezaretinde olğan Qırım maarif, ilim, gençler siyaseti ve sport komitetiniñ yolbaşçısı Vladimir Bobkov: «Qırımda bala bağçalarına eñ uzun nevbet Aqmescittedir – mında 8800 bala bekley, Aqmescit rayonında – 3100 bala, Yaltada – 2500, Bağçasaray rayonında – 2 biñge yaqın, Keriçte – 1200, Kezlevde – 1200 bala», – dedi.

Qırım parlamentiniñ bergen malümatına köre, 2016 senesi Qırımda 5922 yañ yer açıldı, 2014 senesinden başlap ise umumen bala bağçalarında 11 biñge yaqın yañı yer açılğan.

Rusiyeniñ Qırımdaki ükümeti, Aqmescit içün 18 bala bağçasını qurulmağa vade etken edi.

Keçken sene mayısnıñ başında işğal etilgen Qırımnı ziyaret etip, Rusiye ombusmeni Tatyana Moskalkova bala bağçalarına uzun nevbetler tizilgeninen bağlı olğan problemağa diqqat çekken edi.

Qırımda bala bağçalarına nevbetler sozulğanını – Rusiyeli memurlarnıñ uzun müddetke Qırımğa yollanılğanlarınen bağlaylar.

XS
SM
MD
LG