Link açıqlığı

Saatnıñ esas haberi

Qırımda Qarasuvbazar rayonınıñ sakini Müdessir İsayev ğayıp olğanını haber eteler


©Shutterstock
©Shutterstock

Qırımda Qarasuvbazar rayonı Sartana (Alekseyevka) köyüniñ sakini Müdessir İsayevniñ ğayıp olğanını haber eteler. Bir qaç kün evelsi ormanğa ketip qaytmağan erkek aqqında malümat içtimaiy ağlarda tarqatıla.

Qırımlılarnıñ mart 17-de aqşam Facebookta bildirgenine köre, ğayıp olğan qırımlı – 1951 senesi doğma, közleri zayıf köre.

«Er kişi Müdessir İsayev ğayıp oldı, 1951 senesi doğma, Qarasuvbazar rayonı Sartana köyüniñ sakini. Adam zayıf köre. 5 kün evelsi köpeginen ormanğa ketti... Köpegi evge saipsiz qayttı. Köydeşleri ve Fevqulâde vaziyetler nazirligi erkekni qıdırdı, amma bir neticesi yoq», – dep aytıla ilânda.

Qırımnıñ Rusiye idaresi saytında ğayıp olğan erkek aqqında malümat yoq.

Mart 4-de aqşam Facebookta üç yaşında oğlançıq ğayıp olğanını bildirdiler. Bala Qarasuvbazar rayonınıñ Köktaş köyü civarındaki ormanda coyuldı.

Qasaba sakinleri ve lâqayt qalmağanlar balanı qıdırmağa keldi. Rusiye Fevqulâde vaziyetler nazirliginiñ Qırım idaresi bildire ki, vaqia yerine qıdıruv-qurtarıcı hızmetleriniñ küçleri ve vastaları yollanıldı – 212 insandan ibaret taqım şekillendirildi.

Bir qaç saatten soñ oğlançıq Köktaş köyünden 3 km uzaqlığında dağ yolunıñ çetinde tapıldı.

XS
SM
MD
LG