Link açıqlığı

Kreml nezaretindeki Aqmescitniñ Merkeziy rayon mahkemesi advokat Cemil Temişevni «fevral 26 davasından» çıqardı. Bunı mart 16 künü Temişev Qırım.Aqıqatqa bergen izaatında haber etti.

Temişevniñ sözlerine köre, onıñ çekilmesi iç bir sebepnen añlatılmadı.

«Tünevin (mart 15 künü – QA) prokuror meni çıqrmaq muracatında bulundı, bunıñ sebebi ise – men evel Talât Yunusov ve Eskender Nebiyevni temsil etkenim oldı, prokuror imayemde olğanlarnıñ menfaatları biri birine zıt kelgenini tüşündi. Men bunı red ettim, dedim ki: imayemde olğanlar mitingke özleri keldiler ve kimse olarğa reberlik yapmadı. Olarnıñ umumiy cinaiyet planları yoq edi. Onıñ içün men razı degil edim. Meni bütün zenatdaşlarım destekliy edi. Olar da menim çetke alınuvım sebepsiz olğanını kördiler», – dey Temişev.

Kreml nezaretindeni Aqmescitniñ Merkeziy rayon mahkemesinde «fevral 26 davasınıñ» mahkeme topaşuvı çerçevesinde mart 15 künü Rusiyeli prokuror advokat Temişevni işten çetleştirmek muracaatında bulundı. Bunı videomuracatında advokat Edem Semedlâyev haber etti.

Fevral 27 künü rusiyeli advokat Nikolay Polozov, prokurornıñ Qırımtatar Milliy Meclis reisiniñ müavini Ahtem Çiygoz mahkemesine, bundan evel maküm olğan Eskender Nebiyev, Talât Yunusov ve Arsen Yunusovnı, sorğuğa çekmek muracatını qabul etkeni aqqında haber etti. Sorğuğa çekilgenlerniñ üçü de 2014 senesi fevral 26 künü Qırım Yuqarı Şurası ögünde tutulanğannıñ areketleri aqqında bir şey aytmadılar.

XS
SM
MD
LG