Link açıqlığı

Bağçalarnıñ abadanlaştırılması, çöplük obalarınıñ yoq etilmesi ve yañı ösümliklerniñ saçılmasına Kefeniñ rusiyeli akimiyeti12,5 million ruble ayırdı. Bunı mart 14 künü Kefe şeer hocalığı ve tabiyat qullanuvı idaresiniñ yolbaşçı müavini Larisa Luşneva haber etti, dep bildire «Novosti Krıma».

«Skverlerniñ abadanlaştırılması, küçük mimariy şekillerniñ tamirlenmesi, skemlelerniñ yañılatması ve ruhsetsiz atılğan çöplük obalarınıñ çıqarılması içün 7 million ruble ayırıldı. Şeerniñ yeşillenmesine – yazlıq çiçekler ve yol kenarlarında tereklerniñ saçılmasına 5,5 million ruble ayırıldı», – dedi Luşneva.

Onıñ sözlerine köre, kurort mevsimi başlanmasına qadar merkeziy kanalizatsiya kollektorı qoyılacaq ve bunen bağlı işler yekünlenecek.

Rusiye akimiyeti, işğal etilgen Qırım şeer bağçaları abadanlaştırılmaq içün Rusiye bücetinden 100% ödeme alacağını ayta. Bu aqta qarar Rusiye akimiyetiniñ sitesinde yayınlanğan.
Vesiqağa binaen, Aqyarğa 4,6 million ruble, Qırımğa 11, 8 million ruble berilecek. Qırım ve Aqyaq, Rusiyeniñ Qurucılıq ve mesken-komunal hocalığı nazirliginen mart 1 küküne qadar añlaşma yapmalı ve aprel 1 kününe qadar yerli bücetlerge para ayırılmasınıñ be dağıtılmasınıñ qaidelerni belgilemek kerek.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ilhâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tikle. nmesi» dep adlandıra.

XS
SM
MD
LG