Link açıqlığı

Mart 15 künü AQŞ Senatında «Rusiyege qarşı sanktsiyalar, nevbetteki adımlar» mevzusında muzakereler ötkerildi. Ekspertlerniñ fikirlerine köre, sanktsiyalar şahsen prezident Vladimir Putinge tesir etmey, amma sıñırlamalarnıñ lâğu etilmesi mümkün degil.

Senatta, akimiyet Putin elinde toplanğanınen raatsız olğanlarını qayd ettiler, ve Rusiye prezidenti öz ariketlerini rusiyelelerniñ menfaatlarınen gizlegenini qayd ettiler, bu ise sanktsiyalarınıñ işini zorlaştıra.

Bunen beraber, ekspertler, IŞİD-ke qadşı küreşmek maqsadınen sanktsiyalardan vazgeçmek ğayesi «yañlış adım» olğanını ve sanktsiyalar şiddetleşe bilecegini tüşüneler.

Mutehassıslarnıñ sözlerine köre, Amerikanıñ uquq qoruyıcı organları Rusiyeli oligarhlarnıñ Amerika Qoşma Ştatlarında olğan taşımaz mülküni esapqa alalar.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ilhâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG