Link açıqlığı

Ukraina TİN Qırım memuriy sıñırında tutulğan ukrainalı uquq qoruyıcılarnı azat etmege talap ete


Ukraina Tışqı İşler Nazirligi bundan evel Qırımnıñ memuriy sıñırında Rusiye FSB tarafından yaqalanğan ukrain uquq qoruyıcılarını azat etilmege talap ete. Olaranıñ tutulğanları aqqında Qırım uquq qorçalayıcı taqım haber etken edi. Mart 13 künü Ukraina TİN matbuat kâtibi Maryana Betsa yazdı ki, uquq qorçalayıcılarğa basqı yapmağa mümkün degil.

«Rusiye insan aqlarını bozmağa devam ete. Uquq qoruyıcılarğa aslı basqı yapılmaz. Ukraina vatandaşları azat etilmesini talap etemiz», – Ukaina TİN matbuat hızmeti Maryana Betsa Twitterde yazdı.

Mart 13 künü kündüz Qırımnıñ memuriy sıñırında uquq qoruyıcılar taqımını tutıqlanğanı aqqında haber etildi, olarnıñ arasında Olga Skripnik ve «Kalançak» kiriş-çıqış noqtasında Ukraina ombudsmeni ofisiniñ temsilcisi.

Ukraina Yuqaru Şurasınıñ insan aqlarında vekâletlisiniñ ofisinde, hadimlerinden biri uquq qorçalayıcılar taqımınen beraber Qırımnıñ memuriy sıñırında Rusiye tarafından işğal etilgen Qırım tarafında bulunğanını tasdiqladılar, amma adını bildirmege razı olamadılar.

Olga Skripnik – uquq qorçalayıcı, Qırım uquq qorçalayıcı taqımınıñ koordinatorı, «Almenda» vatandaşlıq maarif Merkezinde çalışa. İşğalinden soñ Yaltadan qıtaiy Ukrainağa köçti.

Qırım Rusiye nezaretine keçkeninen FSB yarımadada muntazam surette tintüvler keçire, jurnalist, faaller, cemaat erbapları sorğulana, qırımtatar vatandaşları yaqalana. Uquq qorçalayıcılar bunı «farqlı fikirlerge qarşı küreş» kibi köreler.

Ukraina Tışqı işler nazirligi, işğal etilgen Qırımda ukrain vatandaşlarınıñ taqip etilmesinen raatsız olğanını bildirdi ve basqılarnı toqtatmağa çağırdı.

XS
SM
MD
LG