Link açıqlığı

Saatnıñ esas haberi

Qarasubazarda 300-yerlik bala bağçası qurulıp başlandı – şeer memüriyeti


Balalar bağçası, tasviriy fotoresim
Balalar bağçası, tasviriy fotoresim

Mart 10 künü Kreml nezaretindeki Qarasubazar şeer memuriyetiniñ matbuat hızmeti, şeerde 300-yerlik bala bağçasınıñ qurucılığı başlanğanını bildirdi.

Berilgen haberge köre, işler «grafikten bir az tezce» alıp barıla, endek qazıldı ve temelge beton töküldi.

«Şimdiki vaqıtta azırlıq işlerini yapqan 25 qurucı çalışa, esas işler yapılğanda qurucılarnıñ saisi 400 qadar artacaq, bina 2017 senesi dekabr ayında azır olacaq» – dep haber etile.

Rusiyeniñ Qırımdaki ükümeti, Aqmescit içün 18 bala bağçasını qurulmağa vade etken edi.

Keçken sene mayısnıñ başında işğal etilgen Qırımnı ziyaret etip, Rusiye ombusmeni Tatyana Moskalkova bala bağçalarına uzun nevbetler tizilgeninen bağlı olğan problemağa diqqat çekken edi.

Qırımda bala bağçalarına nevbetler sozulğanını – Rusiyeli memurlarnıñ uzun müddetke Qırımğa yollanılğanlarınen bağlaylar.

XS
SM
MD
LG