Link açıqlığı

Kyivde Gaaga mahkemesi muvaqqat tedbirlerniñ alınılması aqqında qararnı aprelniñ soñuna qadar qabul etecegini bekleyler


Ukrainanıñ Rusiyege qarşı açqan davasınıñ Gaagada BMT Halqara mahkemesiniñ toplaşuvında baqıla, 7 mart 2017 senesi

Ukrainanıñ Rusiyege qarşı açqan davasınıñ Gaagada BMT Halqara mahkemesiniñ toplaşuvında baqıla, 7 mart 2017 senesi

Ukraina Tışqı işler naziriniñ müavini Yelena Zerkal Halqara mahkeme Rusiyege qarşı muvaqqat tedbirlerniñ alınılması aqqında qarar aprelniñ soñuna qadar qabul etecegini bekley.

BMT Yüksek mahkemesinde Ukrainanıñ Rusiyege qarşı davası boyunca mahkeme oturuşı yekünlengen soñ Zerkal: «O (qarar) bizim tahminlerimizge köre aprelniñ soñuna qadar alınacaq», – dep ayttı.

Zerkalniñ sözlerine köre, Rusiye tarafı oturuşlarda kösterdi ki, «devletniñ mantığı – istegenini yapıp, bunıñ içün mesüliyetli olmamaq kibi şekillengen».

TİN müavini dey ki, şimdi dünya Urainanıñ tarafını tuta.

Rusiye öz areketleri içün cevam bermeli ve sadece BMT Halqara mahkemesi Rusiyeni mesüliyetke çekmek mümkün, dep qoştı Zerkal.

Yanvarda Ukraina BMT Halqara mahkemesinde, Terörizmge maddiy destek köstermesine qarşı Halqara añlaşma ve Er türlü ırq ayırımınıñ yoq etilmesi boyunca Halqara añlaşmalarını bozğanında Rusiyeni qabaatlap, Rusiyege qarşı dava açtı. Bu aftanıñ başında Gaagada çalışqan BMT Yüksek mahkemesinde dava boyunca oturuşlar başlandı.

Ukraina Gaaga Halqara mahkemege,Rusiyege qarşı iş baqılacaq vaqıtta üküm sürecek muvaqqat tedbirlerniñ alınılması aqqında rica ete. Bu çareler sırasında – Rusiyeniñ «Ukrainada vatandaşlarğa qarşı terrorizm areketlerini yapqan taqımlarğa» maddiy ve diger destek bermesini toqtatmaq, ve bu taqımlarğa artıq böyle areketler yapmamaları içün tesir etmesini, em de Qırımda diskriminatsiyadan vazgeçmege, ayrıca, Qırımtatar Milliy Meclisi ve onıñ faaliyetini yasaq etmemesini ve ğayıp olğan qırımtatarlarnıñ taqiqatını alıp barmasını talap etmek.

Rusiye Qırımnı zapt etken soñ Donbasta silâlı çatışma devam ete, onıñ neticesinde, BM malümatına köre, aman-aman 10 000 insan elâk oldı. Ukraina ve Ğarp, Rusiyeni separatistlerge qoltutqanı ile qabaatlaylar. Kreml bunı inkâr etip, Donbassta Rusiye «göñüllileri» bar ola bile, dep bildire.

XS
SM
MD
LG