Link açıqlığı

Rusiye, Ukrainanıñ Rusiyege qarşı davasında Halqara mahkemeniñ alacaq qararına riayet etecek – Peskov


Rusiye prezidenti Vladimir Putinniñ matbuat kâtibi Dmitriy Peskov

Rusiye prezidenti Vladimir Putinniñ matbuat kâtibi Dmitriy Peskov

Kiyevniñ Moskvağa qarşı Halqara mahkemesinde baqılğan davasında iştirak etip, Rusiye, alınacaq qararğa etecek. Bunı jurnalistlerge Rusiye prezidentiniñ matbuat kâtibi Dmitriy Peskov aytqan.

İnterfax-Ukraina, Peskovnıñ böyle sözlerini ketire: «Rusiye, baqılğan davanıñ azası ola. Demek ki, eger Rusiye tarafı alınacaq qararlarğa riayet etmeycek olsa edi, bu davanıñ baqılmasında da iştirak etmez edi».

2017 senesi yanvar 16 künü Ukraina, Rusiyeniñ Ukrainağa nisbeten yapqan zulumı munasebetinen, terörizm ve ayırımcılıq areketlerinde qabaatlap Halqara mahkemede dava açtı. Dava terörizmge maddiy destek köstermesine qarşı Halqara añlaşma ve er türlü ırq ayırımınıñ yoq etilmesi boyunca Halqara añlaşmalarına esaslanıp açıldı.

Ukraina Gaagada Rusiyege qarşı iş baqılacaq vaqıtta üküm sürecek muvaqqat tedbirlerniñ alınılmasını rica ete. Bu çareler sırasında – Rusiyeniñ «Ukrainada vatandaşlarğa qarşı terrorizm areketlerini yapqan taqımlarğa» maddiy ve diger destek bermesini toqtatmaq, ve bu taqımlarğa attıq böyle areketler yapmamaları içün tesir etmesini, em de Qırımda diskriminatsiyadan vazgeçmege, ayrıca, Qırımtatar Milliy Meclisi ve onıñ faaliyetini yasaq etmemesini ve ğayıp olğan qırımtatarlarnıñ taqiqatını alıp barmasını talarp etmek.

XS
SM
MD
LG