Link açıqlığı

Qırımnıñ Seyitler rayonında mart 7-de maşina yol keçitinde 19 yaşında qıznı urdı. Bunı Qırım.Aqiqat yayınlarınıñ alıp barıcısı Halise Zinedin Facebook saifesinde yazdı.

«Yuriy» aphanesi ve «Viking» tükânınıñ yanındaki yol keçitinde maşina tükânğa tort almağa ketken Diana Basirovanı urıp öldürdi. Dümen başında Seyitler militsiyasınıñ hadimi Viktoriya Marçenko-Voloşina bar edi, o, Seyitler rayonınıñ devlet avtoinspektsiyasında çalışqannıñ ömür arqadaşı ola, qadın sarhoş edi», – dep aytıla haberde.

Halise Zinedinniñ bildirgenine köre, «qıznı urğan maşina aydavcısı toqtamağa bile tırışmadı».

«Al-azırda Marçenko-Voloşinanıñ qabaatını gizleycek olalar. O, üçünci kere insannı maşinanen ura ve daa bir kere bile cezasını almadı, çünki o ve ömür arqadaşı uquq qoruyıcı organlarında çalışalar», – dep qoştı Halise Zinedin.

Qırımnıñ uquq qoruyıcıları bu malümatnı daa izaatlamadılar.

Kreml kontrol etken Qırım yol inspektsiyası bildire ki, 2016 senesi Qırımda 2 067 yol qazası yüz berdi, neticede 378 insan elâk oldı, daa 2 758 kişi yaralandı. Aqyarda 667 yol qazası odı, 76 insan can berdi ve 841 kişi yaralandı. Çoqusı allarda qazalarda aydavcılar (162 insan) ve cayav yürgenler (159 insan) öle.

XS
SM
MD
LG