Link açıqlığı

Ukraina mahkemesinde migrantlarnıñ keçmesini teşkil etkeninde qabaatlanğan Qırımlınıñ şikâyet arizası baqıla


Tasviriy resim ©Shutterstock

Mart 3 künü Vinnitsa vilâyetiniñ Apelâtsiya mahkemesi, devlet sıñırını qanunsız şekilde keçmesini teşkil etkeni boyunca qabaatlanğan ve 7 yıl apis cezasını alğan Qırımlı Ridvan Abilevniñ şikâyet arizasını baqıp başladı. Bunı Qırım.Aqiqatqa bergen izaatında Abilevniñ advokatı Vladimir Sauşkin bildirdi.

Onıñ sözlerine köre, Apelâtsıya mahkemesiniñ birinci toplaşuvında qorçalağan taraf esas şaatnıñ ifadesiniñ kopiyasını talap etti.

Advokat, onıñ muşterisi tevfiqhaneden ketirilgeni ve mahkeme toplaşuvında bulunğanını qayd etti. Nevbetteki mahkeme toplaşuvı mart 20 kününe tainlendi.

UTH «Qırım» göñüller ordusınıñ sabıq askeri 30 yaşındaki Abilevni, Ukraina devlet sıñırından qanunsız ecnebiylerni keçirgeninde qabaatladı. Mahkeme qararı alınmağanına qadar Abilev 121 bi grivna pey bermeknen azatlıqta edi. Abilevniñ cenk iştirakçısı unvanı yoq, o Donetsk vilâyeti topraqlarında terroristlerge qarşı küreşte iştirak etkeni belli.

Qırımtatarlarnıñ teşkil etkeni «Qırım» göñüller batalyonı, Şarqiy Ukrainada 2014-2015 seneleri cenkte iştirak ete edi, soñra o dağıtılğan edi.

XS
SM
MD
LG