Link açıqlığı

Qırımda Qırımtatar Milliy Meclisiniñ yasağı – «zorbalıq areketlerine cevap ve azalarınıñ millet mensüpliginen bağlı olmağan bir şeydir». Bunı Rusiye Tış işler nazirliginiñ vekili Grigoriy Lukyanets mart 7-de Gaagaaki Halqara mahkemede bildirdi.

«Ukraina Meclisni tatarlarnıñ temsil organı olaraq iç bir vaqıt tanımay edi... Ukraina akimiyeti Qırımnıñ statusı deñişken soñ bu qararlarnı qabul etti. Ket-kete Meclis maqsadına irişmek içün zorbalıq usullarına bağlana edi», – dep bildire Rusiye Tış işler nazirliginiñ vekili.

Mart 6-da Birleşken Milletler Teşkilâtınıñ Halqara mahkemesinde (Gaaga, Felemenk) Ukrainanıñ Rusiyege qarşı açtırğan davası boyunca açıq diñlevler başladı. Mart 7-de mahkemede Rusiye vekili çıqışta buluna.

Ukraina Halqara mahkemeden dava baqılğan müddet devamında tedbir almağa rica ete. Böyle tedbirler arasında – Rusiyeden «Ukrainada vatandaşlarğa qarşı terrorist areketlerini yapqan taqımlarğa» maddiy ya da bir de bir diger yardım kösterilmesini toqtatmasını talap etmek, bunıñ kibi gruppalarğa ise tesir etip, ileride böyle bir areket yapmamalarını temin etmek, em de Qırımda millet ayırımı, şu cümleden Qırımtatar Milliy Meclisi faaliyetiniñ yasağınıñ toqtatılması ve qırımtatarlarnıñ qaçırılmasını taqiq etilmesini talap etmektir.

Ukraina prezidenti Petro Poroşenko mart 7-de BMT Halqara mahkemesi «tez vaqıtta» qarar alıp, Kyivniñ kontroli altında olmağan Donbass topraqlarına silâ berilmesi toqtatılır ve işğal etilgen Qırımda Qırımtatar Milliy Meclisiniñ yasağı lâğu etilir, dep eminliknen bildirdi.

XS
SM
MD
LG