Link açıqlığı

Saatnıñ esas haberi

«Fevral 26 davasınıñ» mabusına dair mahkeme toplaşuvı başqa künge keçiktirildi – advokat


Ukraine – Prison, jail
Ukraine – Prison, jail

Kreml nezaretindeki Aqmescitniñ Merkeziy rayon mahkemesinde «fevral 26 davasınıñ» mabusı Ali Asanoz boyunca mahkeme toplaşuvı mart 9 kününe keçirildi, bunı Qırım.Aqıqatqa advokat Edem Semedlâyev bildirdi.

Onıñ sözlerine köre, mahkeme toplaşuvı advokatlar «Hizb ut-Tahrir davasınıñ» mabuslarına müddetiniñ uzatılmasınen bağlı toplaşuvda Aqmescitniñ başqa mahkemesinde bulunğanları sebebinden keçiktirildi.

Asanovnıñ işi boyunca nevbetteki mahkeme toplaşuvında şaatlar sorğuğa çekilecek, dep qoştı advokat.

Kreml nezaretindeki Qırım Yuqarı mahkemesinde «Çiygoz davasınıñ» 87-ci mahkeme toplaşuvında, 2014 senesi fevral 26 künü kütleviy qalabalıqlarda iştirak etkeninde qabaatlanğan Ali Asanov, ifadelerini berip, taqiqatçı oña basqı yapıp, qabaatını qabul etmege ve Çiygozğa iftira atmağa zorlatqanını, Qırım muftisi Emirali Ablayev ise apisten azat olunmaqnıñ qarşılığında Ahtem Çiygozğa qarşı ifade bermege teklif etkenini bildirdi.

Kün evelsi mahkeme toplaşuvında, 2014 senesi fevral 26 künü kütleviy nizamsızlıqta iştirak etkeninde qabaatlanğan Mustafa Degermenci de, ifadelerini berip, taqiqatçı oña basqı yapıp, qabaatını qabul etmege ve Çiygozğa iftira atmağa talap etkenini, Qırım muftisi Emirali Ablayev ise apisten azat olunmaq qarşılığında Ahtem Çiygozğa qarşı ifade bermek teklif etkenini bildirdi.

2016 senesi fevral 26 künü Qırım Yuqarı Radasınıñ binası ögünde keçirilgen Ukraina topraq bütünligine qoltutuv mitinginde iştirakçiler ve Rusiyege ayırılmağa istegenlernen arasında çatışma olğan edi. Yarımada silânen zapt etilgen soñ, yarımadaki Rus akimiyeti fevral 26 adiseleri boyunca cinaiy işler açtı ve kütleviy nizamsızlıqta sekiz qırımtatarını qabaatladı, şu sırada Qırımtatar illiy Meclis reisiniñ müavini Ahtem Çiygoz.

Bundan evel mahkeme «fevral 26 işini» ekige böldi: ayrı – Ahtem Çiygoz boyunca, ve ayrı – cinaiy iş boyunca qabaatlanğan Ali Asanov ve Mustafa Degermenci boyunca.

XS
SM
MD
LG