Link açıqlığı

AB Ukrainanıñ territorial bütünligi telükede olğanından sebep sanktsiyalarını devam ettirecek ola


Ukraine -- EU and Ukrainian flags

Avropa Birligi kelecek afta, Ukrainanıñ territorial bütünligi telükede olğanından sebep qabul etilgen sanktsiyalarını devam ettirmege niyetli. Bunı Radio Svoboda muhbiri haber ete.

«Avropa Birligi, Ukrainanıñ territorial bütünligine telükeli olğan Ukrainalı ve Rusiyeli 150 şahıs ve 37 teşkilâtqa qarşı sanktsiyalarını uzatacaq» - öz Twitterde yazdı o.

2014 senesi Rusiye Qırımnı zapt etkeni, ve sonar Donbasstaki vaziyetni kerginleştirgeni sebebinden Ğarp oña qarşı bir qaç qısımnen bir sıra sanktsiyalar qabul etti. Olar birey ve tüzel kişilerge, Donbassta ve Qırımdaki ayrımcılar sıralardan şahıs ve müessiselerige qarşı alındı. Bundan da ğayrı Rus iqtisadiyatınıñ bazı saaları da yaptırımlarğa oğradı.

Kreml Donbassta ayırılmcılarğa destek bergenini inkâr ete, ve cenk ketken yerlerde sadece Rusiyeli «göñülliler» bulunğanlarını ayta, ve Halqara uquqa baqmadan Qırım işğalini «qanuniy» dep saya.

XS
SM
MD
LG