Link açıqlığı

Kremlde prezident saylâvlarını Qırımnıñ «qoşulğan» kününde keçirmek teşebbüsi aqqında fikirleşecekler


Rusiye prezidentniñ temsilcisi Dmitriy Peskov

Rusiye prezidentniñ temsilcisi Dmitriy Peskov

Kremlde, prezident saylâvlarını 2018 senesi 18 martta – Qırımnıñ «qoşulğan» kününde keçirmek teşebbüsine dair Rusiye senatorlarınınıñ fikirlerini muzakere etecekler. Bunı jurnalistlerge Vladimir Putinnıñ matbuat kâtibi Dmitriy Peskov aytqan.

TASS haberine köre, Peskov: «Şimdilik bu meselede bir qattı fikir yoq, bu teşebbüs aqqında tüşünmek içün, elbette, vaqıt kerek olacaq. Men bellesem yaqın kelecekte bir şeyler añlaşılır», – dedi.

Bundan ögüne senatorlar Andrey Klişans ve Anatoliy Şırokov, Devlet Dumasına saylâv qanunlarına deñişmeler kirsetmege teklif ettiler, şu sırada prezident saylâvlarını martnıñ üçünci bazar kününde keçirmege teklif etile. Öz nevbetinde, Devlet Dumasınıñ yolbaşçısı Vâçeslav Volodin bu künü saylâvlarnıñ keçirilmesine qol tutqanını beyan etti.

2014 senesi mart 16 künü Qırım ve Aqyarda yarımadanıñ statusı aqqında referendum keçirildi, 2014 senesi mart 16 künü Qırım ve Aqyarda yarımadanıñ statusı aqqında, dünyada qabul etilmegen, referendum keçirildi, neticede Rusiye Qırımnı özüne qoşqanını ilân etti,. Ukraina, Avropa birligi ve AQŞ bu rey berüvini tanımadılar ve Qırım Rusiye tarafında işğal etilgenini tasdiqlay.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ilhâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG