Link açıqlığı

Birleşken Milletler Teşkilâtınıñ halqara mahkemesi şikâyetçi olğan Ukrainanıñ Rusiyege qarşı işi boyunca toplaşuvı başlattı. UNIAN haber etkeni kibi, al-azırda vatandaşlarnıñ vatandaş aqlarını qorçalamaq içün vaqıtınce çareler alınması boyunca Kyivniñ muracatı baqıla.

Mahkeme toplaşuvında Frenkistanlı mahkemeci Ronny Abraham reberliginde 16 mahkemeci buluna.

Bu mahkeme toplaşuvı neticesinde Kyivniñ muvaqqat çarelerniñ alınılması aqqında muracatı qabul olunacağı beklenile. Qarar alınılması bir-qaç aftadan bir-qaç ayğa qadar süre bilir.

Birinci eki kün devamında taraflar dava boyunca öz fikirlerini bildirmeli, nevbetteki eki künde – nazar noqtalarınıñ soñkileri bildirilecek.

Ukraina vekillerine Ukraina Tışqı işler naziriniñ müavini Yelena Zerkal yolbaşçılıq yapa.

Mahkemeniñ matbuat hızmetiniñ bergen malümatına köre, tedbirde bulunmaq içün 70 yaqın kütleviy haber vastaları ruhset aldı.

Rusiye Qırımnı zapt etken soñ Donbasta silâlı çatışma devam ete, onıñ neticesinde, BM malümatına köre, aman-aman 10 000 insan elâk oldı. Ukraina ve Ğarp, Rusiyeni separatistlerge qoltutqanı ile qabaatlaylar. Kreml bunı inkâr etip, Donbassta Rusiye «göñüllileri» bar ola bile, dep bildire.

XS
SM
MD
LG