Link açıqlığı

Ukraina Gaagada Rusiyeden, halqara añlaşmalarını bozğanı içün, zararnıñ ödemesini talap ete


Gaaga Halqara mahkemesi, Felemenk

Ukraina Rusiyeden halqara añlaşmalarını bozğanı aqıbetinde ketirilgen zararınıñ ödemesini talap ete. Bunı öz çıqışında Ukraina Tış işler naziriniñ Avropa ile bütünleşme meseleleri boyunca müavini Yelena Zerkal ayttı.

Ukrainanıñ Rusiyege qarşı açıq mahkeme toplaşuvında Zerkal: «Ukraina Rusiyeden eki halqara añlaşmaını bozğanı içün zararnıñ ödemesini talap ete, bular: Terörizmge maddiy destek köstermesine qarşı Halqara añlaşma ve er türlü ırq ayırımınıñ yoq etilmesi boyunca Halqara añlaşmalardır», – dedi.

Rusiye «toqtamadan halqara uquq ve insan aqlarını boza», dep qayd etti o.

«Rusiye Federatsiyası Ukrainada bir-çoq teroristik areketler yapqan qanunsız şekillergen silâlı taqımlarğa öldürici destek köstermege devam ete», –dep bildirdi Ukraina temsilcisi.

Mart 6 künü Halqara mahkemede (Felemenk, Gaaga) Ukrainanıñ Rusiyege qarşı mahkeme işi boyunca açıq toplaşuv başlandı. Ukraina Halqara mahkemeni, iş baqılacaq vaqıtta üküm sürecek muvaqqat tedbirlerniñ alınılmasını rica ete. Bu çareler sırasında – Rusiyeniñ «Ukrainada vatandaşlarğa qarşı terrorizm areketlerini yapqan taqımlarğa» maddiy ve diger destek bermesini toqtatmaq, ve bu taqımlarğa attıq böyle areketler yapmamaları içün tesir etmesini, em de Qırımda diskriminatsiyadan vazgeçmege, ayrıca, Qırımtatar Milliy Meclisi ve onıñ faaliyetini yasaq etmemesini ve ğayıp olğan qırımtatarlarnıñ taqiqatını alıp barmasını talarp etmek.

Rusiye tarafına mart 7 künü mahkemede söz berilecek.

XS
SM
MD
LG