Link açıqlığı

«Qırımda söz serbestligini boğğanlarnıñ» cedveli çetel elçihanelerge teslim etildi


Ukraina Haber siyaseti naziriniñ Qırım suallerinde mesleatçısı Yüliya Kazdobina

«Qırımda söz serbestligini boğğanlarnıñ» cedvelini tizgenler onı tış ülke diplomatlarına teslim ettiler ve cedveldeki adamlarğa qarşı yapılacaq sanktiyalarnı müzakere ettiler. Bunı mart 3 künü Ukraina Haber siyaseti naziriniñ Qırım suallerinde mesleatçısı Yüliya Kazdobina bildirdi.

«Biz ende Ukrainada bulunğan bir qaç elçihane vekillerinen qonuşıp, «Qırımda söz serbestligini bozğanları içün» sanktiyalar cedveline bu adamlarnı qoşmaq meselesine dair muzakereler alıp bardıq. Zanımızca, bu dünya içün muim kösterğıç olacaq – demek ki, Ukraina kerçekten de söz serbestligine büyük qıymet kese», – qayd etti Kazdobina.

Ukrainalı uquq qorçalayıcılar işğal etilgen Qırımda «söz serbestligini boğğanlarnıñ» adlarını aşkâr etti. Bu sırada Rusiyeli ve Qırımlı memurlar, silâlı hızmetler, uquq qoruyıcı ve mahkeme organlarınıñ vekilleri, Qırımdaki «samooborona» azaları, matbuat mekrezleriniñ reberleri. Episi olıp – 60 ziyade adam.

Rusiye nezaretine keçkeninen FSB yarımadada jurnalist, cemaat erbabı ve faallerde muntazam surette tintüv ve sorğular keçire. Uquq qorçalayıcılar bunı «fikir farqlığına qarşı küreş» olaraq tanıylar.

XS
SM
MD
LG