Link açıqlığı

Nikita nebatat bağçasında esas Ukrainadan kelgen musafirniñ iştiraki ile halqara konferentsiya olacağını ilân eteler


Nikita nebatat bağçası, arhiv fotoresimi

Mart 1-4 künleri Qırımnıñ Nikita nebakontat bağçasında «Ekosistemlerniñ gömeostazında balqurtlarnıñ bioçeşitlilik rolü» adlı ilmiy-ameliy IV halqara konferentsiya ötkerilmektedir. Konferentsiya musafirleri arasında Jitomir milliy agroekologik universitetiniñ vekili (Ukraina) olacaqtır, dep bildire bağçanıñ matbuat hızmeti.

Konferentsiyada Qırımda balcılıq inkişafınıñ kontsentsiyası, esli-başlı insanlarnıñ yaşayış keyfiyetini eyileştirmek içün bal qullanılması ve diabetik aşlarda bal mallarınıñ qullanılması muzakere etilecektir.

Bağçanıñ matbuat hızmeti bildire ki, konferentsiyada 120 insan iştirak ete. Maruzacılar arasında esasen qomşu Rusiyeden kelgen alimler qayd etile. Ukrain universitetiniñ saytı vekilleri Qırım konferentsiyasında iştirak etkenini haber etmey. Qırım.Aqiqat Ukaina milliy universitetiniñ bağlanmağa tırışa.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ilhâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG