Link açıqlığı

Aqyarnıñ merkeziy soqaqlarında mart 1-de sabadan başlap elektrik enegriyası yoq. Soqaqlarnıñ tolu cedveli «Sevastopolenergo» saytında bar. Şirketniñ bildirgenine köre, bunıñ sebebi «ağlarda olğan qazadır».

«Saat 10:00 (Qırım vaqtı – QA) elektrikler ğayrıdan tiklenilecektir», – dep yaza müessise memuriyeti. Fevral 28-de Ostrâkov caddesi ve Hrustalev soqağında da vaziyet aynı edi.

«Sevastopolenergo» energetik şirketi mart ayında şeerde elektrikler kesilecek künlernñ cedvelni derc etti, faqat şeerniñ merkeziy soqaqları bu cedvelde yoq.

Qırımnıñ Rusiye yolbaşçısı Sergey Aksenov yarımadada elektrik energiyasınıñ qıtlığı bar, dep haber etken edi.

Rusiye 2016 senesi baarde energetik köpürniñ üçünci ağını qoşqan olsa da, işğal etilgen Qırımda elektrik temin etüvinde problemler bar. 2015 senesi dekabr ayından başlap, Herson vilâyetinde elektrik direkleriniñ bozulmasından sebep, Qırımğa qıtaiy Ukrainadan elektrik aqımı toqtatıldı. Şimdiki vaqıtta Qırım özü çıqarğan energiya, Rusiyeden yarımadağa ketirilgen generator ve Rusiyeniñ Krasnodar vilâyetinden keçirilgen energo köpür ile elektriknen temin etile.

XS
SM
MD
LG