Link açıqlığı

Aqmescitteki Borçoqraq (Fontanı) qasabasınıñ camisinde qırımtatarca dersleri açıla. Bunı fevral 27-de Qırım ve Aqyar musulmanları diniy idaresiniñ matbuat hızmeti bildirdi.

«Derslerde istegi olğan er kes qırımtatarca temiz laf etmege, oqumağa, yazmağa ögrene bile, em de til bilgisini arttırmağa imkânları bar. Ders programması laqırdı alışqanlıqlarınıñ inkişafı ve edebiy qırımtatar tili imlâsınıñ añlayışına yönelgendir», – dep qayd etti matbuat hızmeti.

Noyabr ortasında Borçoqraq (Fontanı) qasabasınıñ sakinleri qurulğan mektepke qırımtatar milliy mektebi statusını bermege çağırdılar.

Rusiye Qırımnı işğal etken soñ milliy mekteplerde bile dersler rusça añlatıla, qırımtatar mekteplerinde derslik ve kitaplar yetmey. Bunı Meclis ve qırımtatar cemaat teşkilâtları qayd ete.

XS
SM
MD
LG