Link açıqlığı

Yaltadaki «Skazka» ayvanat bağçası faaliyetini toqtata bile – Zubkov


Oleg Zubkov, arhiv fotoresimi

Oleg Zubkov, arhiv fotoresimi

Yaltanıñ bergi hızmeti mart 16-da «Skazka» ayvanat bağçasınıñ müdirligine faaliyeti toqtatılmasına dair qarar berecektir. Bunı fevral 27-de «Skazka» ayvanat bağçası ve «Taygan» arslanlar bağçasınıñ saibi Oleg Zubkov öz blogunda yazdı.

Onıñ bildirgenine köre, ayvanat bağçası qapatılmasınıñ sebebi biletlerde olmağan rekvizit müüri oldı, bunı «biletlerni azırlağan şirket tecribesiz ya da diqqatsız olğanından» yapqandır.

«Mahkeme qısqa olacaq, mahkemeci vesiqalarnı baqıp, bir-eki sual berir ve er şeyni añlayım, kederlendim ve ayvanlarnı sevem der, amma añlaysıñız, mında siyasiy bir mesele bar», – dep yazdı Zubkov.

Qırımdaki «Taygan» arslanlar bağçasında Kreml kontrol etken Qırım yolbaşçısı Sergey Aksenovnıñ emri ile teşkerüvler keçirile.

«Taygan» Qırım habarcılıq ile küreş cebesi» cemaat areketniñ kâtibi Galina Lomakinanıñ fikirince, Sergey Aksenovnıñ bu siyaseti yatırımcılarnı Qırımdan uzaqlaştıra.

Oleg Zubkov Qırımnıñ Rusiye akimiyeti ile añlaşıp olamay. 2016 senesi iş adamı 150 mahkeme oturışına bardı. Bütün olar Kreml kontrol etken Qırım akimiyeti tarafından atılğan qabaatlar ve para cezalarınen bağlı edi.

XS
SM
MD
LG