Link açıqlığı

Kyivde fevral 27-de «Nastoyaşçeye vremâ» halqara haber telekanalı taqdim etildi. Bu Radio Svoboda ve «Amerikanıñ sesi» yapqan leyhadır, aftada 7 kün, künde 24 saat rus tilinde yayın yapqan matbuat ağıdır.

Leyha eki yıldan berli çalışqan «Nastoyaşçeye vremâ» yayınınıñ tecribesini devam ettire. Keçken sene oktâbr ayından başlap leyha kenişledi ve telekanal olaraq çalışa.

«2014 senesi Ukrainada körgen vaziyetimizden sebep bu leyhanıñ ğayesi peyda olğan edi. Cenk başlağan soñ, Qırım işğal etilgen soñ bir çoq kütleviy haber vastası yañlış ve yalan malümatlar tarqattı, bizler Radio Svobodada ve «Amerikanıñ sesinde» añladıq ki, buña cevap berilmeli. Er kün 30 daqqalıq yayın çıqmağa başladı», – dep qayd etti kanalnıñ icra prodüseri Kenan Aliyev.

«Nastoyaşçeye vremâ» – yañı bir brand. O, rus tilli seyircilerine muracaat ete. Bütün dünyada olarnıñ sayısı 275 million insanğa qadar yete – Orta Asiya ve Kavkazdan başlap Rusiye, İsrail, Almaniya, Kanada, Baltiya memleketleri ve, elbet de, Ukrainağa qadar. «Maqsadımız belli: faktlarğa esaslanğan haber qaynaqlarını bermektir», – dep ayta telekanal müdiri Deyzi Sindelar.

Telekanal uydu ve mobil platformalarda, içtimaiy ağlarda ve smart-TV ilâvelerinde açıqtır. «Nastoyaşçeye vremâ» kanalınıñ ağı bugünde-bugün 11 memlekette 32 tele ve internet yayıncısını qaplap ala. Ukrainada – «UA: Pervıy», Çernomorskaya TRK, telekanal «24», TK «Vintaj», «Donetsk TV», TK «Svobodnoye prostranstvo», TRK «Lavanda», «TV-7 Mariupol», Mariupolskoye TV.


XS
SM
MD
LG