Link açıqlığı

Rusiye işğal etilgen Qırımğa «Buk» sistemalarını ketirse, memleketniñ üç yıl devamında yarımadada keçirgen kontseptsiyasına riayet etilecektir. Bunı Ukraina Silâlı quvetleri Baş ştabınıñ matbuat hızmeti reberi Vladislav Seleznev Qırım.Aqiqatqa bildirdi.

«Rusiye Qırım yarımadasını silâ, asker, tehnikanen toldura. Bu malümat tasdıqlansa ve raketalarğa qarşı kompleksler ketirilse – Rusiyeniñ üç yıldan berli yarımadada alıp barğan kontseptsiyasına riayet etilecektir», – dep ayttı Seleznev.

Rusiye kütleviy haber vastaları Rusiye işğal etilgen Qırımda «Buk» zenit-raketa komplekslerini yerleştirecek ola, dep bildirdi.

Yanvar ayında Qırımda Rusiye Cenüp arbiy bölgesiniñ S-400 «Triumf» kompleksleri olğan zenit-raketa polku nevbetçilik yapmağa başladı, dep haber etilgen edi.

XS
SM
MD
LG