Link açıqlığı

Rusiyeli kosmonavt Oleg Novitskiy, Halqara kosmos stantsiyasında Qırımnıñ fotoresimini çekti. Bu resimni Novitskiy Instagram saifesinde paylaştı.

«HKS kenarından Qırım böyle körüne», – dep yazdı kosmonavt.

Bundan evel Novitskiy, Keriç boğazında qurulğan köpürniñ fotoresimini yerleştirgen edi. O resimde kosmostan çekilgen edi.

Noyabr 19 künü Rus kâinat gemisi Halqara kosmos stantsiyasına kelip daa üç kosmonavt ve astronavtnı ketirgen edi.

Amerikalı Peggy Whitson, Avropa kâinat agentliginden Frenkistanlı Thomas Pesquet, ve Rusiyeli Oleg Novitskiy – stantsiyada olğan Rusiyeli Andrey Borisenko, Sergey Rijikov ve Amerikalı Shane Kimbrough taqımına qoşuldılar.

Keriç boğazında köpür qurucılığı aqqında Rusiye prezidenti Vladimir Putin Qırım işğalinden soñ birden ilân etti. Köpürni 2018 senesine qadar qurmağa, 2019 senesi yazda ise çalıştırmağa vade ettiler.

İyül başında «Krımskiy most» haber merkezi Keriç boğazındaki Rusiyeden Qırımğa köpür qurucılığınıñ fiyatı 227,92 mlrd ruble teşkil etkenini bildirgen edi.

Bundan evel Rusiye ükümeti Keriç boğazındaki köpürniñ demir yol qısmınıñ vaqtınca açılmasını bir yılğa qaldırdı – 2018 senesi dekabr ayından 2019 senesi dekabr ayına.

Ukraina tarafı 2014 senesi Qırım işğalinden soñ Rusiye ile köpür qurucılığı añlaşmasından ayırıldı.

XS
SM
MD
LG