Link açıqlığı

Qırğızistanda muhalifet fırqasınıñ yolbaşçısı yaqalanğanına qarşı narazlıq aktsiyaları devam ete


Bişkekte narazlıq aktsiyası, 2017 senesi fevral 27

Qırğızistan paytahtında ekinci kün devamında «Ata-Meken» muhalifet fırqasınıñ yolbaşçısı Omurbek Tekebayevniñ azat etilmesini talap etken yüzlerce insanlar narazılıq bildire.

Fevral 27 künü Bişkekniñ Ala-Too meydanında eñ azından 300 insan toplaştı, olar Tekebayevniñ yaqalanuvını qozğalav olaraq tanıylar.

Şimdiki prezident Almazbek Atambayevniñ eskiden ittifaqdaşı, al-azırda ise raqibi olğan Tekebayev, fevral 26 künü saba Türkiyeden qaytqanda avalimanında yaqalandı.

Akimiyet, o rüşvet taqiqatı esasında yaqalanğanını bildire. Yaqın zamanda, beklenilgeni kibi, oña qarşı vaqıtınce apis qararı qabul etilecek.

Fevral 26 künü Devtet Milliy telükesizlik komitetinıñ binası qarşısında Tekebayevniñ biñlerce tarafdarı, onıñ azat etilmesini talap etip, narazlıq aktsiyasını başlattı.

XS
SM
MD
LG