Link açıqlığı

Kanada elçisi Roman Vaşçuknıñ fikirine köre, Qırım işğali dünyanıñ topraq tertibi içün telükelidir. Bunı Vaşçuk fevral 25 künü «Qırım işğal altında: Ukraina ve dünyağa olğan tesiri» Halqara forumı devamında bildirdi, dep haber ete Qırım.Aqiqat muhbiri.

Elçi: «Biz tarihten ögrendik. Halqara uquq nizamınıñ bozuluvı 20-ci asırda eki kere Dünya cenklerine sebep olğan edi. Şu cenklerde em Kanada, em Ukraina da iştirak etken edi. Qırımıñ işğal eеilmesi – dünya telükesizlik sistemesınıñ istiqrarsızlığına yöñelgen adımdır», – dep tüşüne.

O dedi ki, halqara diplomatiya Ukrainağa qarşı ücümlarnıñ şiddetini iss ete, ve bu olarada belli derecede eminsizlik ve qorqu doğura.

Fevral 26 künü Ukrainada «Qırımnıñ Rus işğaline qarşı küreş Künü» qayd etile, bütün Ukrainada Qırımğa destek bildirmek içün aktsiyalar keçirilecek. Bu künü Qırım Yuqarı Şurası binası qarşısında Ukrainanıñ topraq bütünligine destek olaraq miting keçirilgen edi. O vaqıt mitin iştirakçilerine qarşı Rusiye tarafdarları, şu cümleden «Russkoye yedinstvo» virqasınıñ vekilleri çıqqan edi.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ilhâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG