Link açıqlığı

Saatnıñ esas haberi

Kyivde Qırım meselesinde halhaqa forum başlandı


Fevral 25, cumaertesi künü Kyivde «Qırım işğal altında: Ukraina ve dünyağa olğan tesiri» adı ile eki künlük Halqara forum başlandı. Bunı Qırım.Aqiqat muhbiri bildire.

Kiriş sözüni seslendirgeni vaqıtta Ukraina Haber siyaseti naziriniñ birinci muavini Emine Ceppar, bu forumnıñ esas maqsadı – Qırımnıñ qaytarılması içün aletletlerniñ azırlanılaması olğanını ayttı.

Emine Ceppar: «İşbu forumnıñ maqsadı – Qırım meselesini daa bir kere kötermek, ve Qırımnı nasıl etip qaytaracağımıznı tüşünmek. Nasıl aletlerni qullana bilemiz. Rusiyeni, Ukraina ve ukrain vatandaşlarına qarşı yapqan cinayetleri içün, mesuliyetlikke çekmek içün ne yapmal?», – dedi.

Ukraina Tışqı işler naziri Pavlo Klimkin öz muracaatında Qırım meselesiniñ diplomatik usulda çezilmesiniñ emiyetini qayd etti. Klimkinniñ fikirine köre, halqara uquqiy aletler, yarımadanıñ siyasiy ve iqtisadiy sıñırlamaları, işğalci devletke qarşı siyasiy ve iqtisadiy sanktsiyalar, faal arekkete olğan şahıslarğa qarşı yaptırımlar – bu aletlerni Ukraina ve saire halqara ortaqlarımız qulana bile.

Onıñ sözlerine köre, Ukraina Tışqı işler nazirligi, Qırımnıñ qaytarılması içün halqara ğayretni küçlendirmek içün, elinden kelgenini yapa.

Fevral 26 künü Ukrainada «Qırımnıñ Rus işğaline qarşı küreş Künü» qayd etile, bütün Ukrainada Qırımğa destek bildirmek içün aktsiyalar keçirilecek. Bu künü Qırım Yuqarı Şurası binası qarşısında Ukrainanıñ topraq bütünligine destek olaraq miting keçirilgen edi. O vaqıt mitin iştirakçilerine qarşı Rusiye tarafdarları, şu cümleden «Russkoye yedinstvo» virqasınıñ vekilleri çıqqan edi.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ilhâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG