Link açıqlığı

Saatnıñ esas haberi

Kiyevte «Rus işğaline Qırımnıñ qarşılığı» yazılarınen bilbordlar peyda oldı


Ukraina haritası
Ukraina haritası

Ukraina paytaqtı Kiyev şeerinde «Fevral 26. Rus işğaline Qırım qarşılığınıñ 1096 künü» şıarınen bilbordlar peyda oldı. Bunı fevral 24 künü Facebookta Haber siyaseti nazirniñ birinci muavini Emine Ceppar yazdı.

Ceppar qayd etkeni kibi, bilbordlar «Qırım – Ukrainadır» kampaniyası çerçevesinde qoyıldı. Bundan ğayrı bilbordlar kim tarafında qoyılğanı aqqında malümat berilmedi.

Ukraina Yuqarı Radasında fevral 23 künü «Rusiye işğaline qarşı çıquv künüve» bağışlanğan «Qırım künleri» keçti. Tedbir çerçivesinde 2014 senesi fevral 26 künü Qırımda yüz bergen adiseler aqqında Halqara ekspertler taqımınıñ maruzası taqdim etildi.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ilhâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG