Link açıqlığı

Saatnıñ esas haberi

Qırımda rus silâlı hızmetleri Boğurçada bir-qaç erkekni yaqaladı


Yaqalanağan Qırımlılar, Boğurça, 21 fevral 2017 senesi
Yaqalanağan Qırımlılar, Boğurça, 21 fevral 2017 senesi

Qırımda, Aqmescitniñ Boğurça qasabasında, fevral 21 künü saba, Rusiyeniñ silâlı hızmetleri, Marlen Mustafayevniñ evinde tintüv ötkergen soñ, bir-qaç erkekni yaqalap alıp ketti. Bunı Radio Svoboda muhbiri haber ete.

Şaatlarnıñ sözlerine köre, yaqalanğan şahıslar Marlen Mustafayevni desteklemek içün keldiler. Yaqalanğanlar arasında Osman Arifm de olğanı haber etile, o 21 fevral sabası rus silâlı hızmetleriniñ Boğurçada yapqan areketlerini videoğa çekip Facebookta yayınlağan edi.

Rusiye silâlı hızmetleri Boğurçada ötkergen areketlerini izaatsiz qaldıralar.

Salı künü saba Qırımdaki faaliyetçi Osman Arifm Facebookta haber etti ki, Marlen Mustafayevniñ evinde tintüv ötkerile.

Bu malümatnı advokat Emil Kurbedinov tasdiqladı.

Ukraina Tışqı işler nazirligi defalarca zapt etilgen Qırımda Ukraina vatandaşlarına qarşı basqı ve taqip areketleri yapılğanınen raatsız olğanını bildire edi, ondan da ğayrı Rusiyeni yerli sakinlerge basqını toqtatqanını ve ukrainalı siyasiy mabuslarını azat etilmege çağıra edi.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ilhâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG