Fevral 20 künü Qırımtatar Milliy Meclis reisiniñ muavini Ahtem Çiygoznıñ mahkeme işinde maddiy delillerniñ daa bir qısımı Çiygoznı qabaatlanğanıına ters keldi. Bunı Qırım.Aqıqatqa bergen izaatında advokat Nikolay Polozov bildirdi.
«Taqiqatçılar qıdırğan delilerge saylâp davrana edi, mahsus qabaatlağan taraf içün uyğun videolarnı seçip ala edi, Ukraina tarafdarlarına ve qırımtatarlarğa qarşı yapılğan qanunsız areketlerini qastentalil etmey edi ve bu insanlarnı zarar körgen ya da şaatlar sırasına qoşmadı», – qayd etti Polozov.
Mahkeme toplaşuvında şaat Valiyevten alınğan yedinci disk talil etildi. O videolarda Qırım Yuqarı Şurasınıñ ögündeki meydanında saba vaqıtında yüz bergen adiseler qayd olunğan, tarif etti Polozov.
Ahtem Çiygoz 2015 senesi yanvar ayında 2014 senesi fevral 26-da Qırım Yuqarı Radasınıñ binası ögünde keçirilgen Ukraina topraq bütünligine qoltutuv mitinginde iştirak etkeni içün yaqalanğan edi. O vaqıt Rusiye tarafını tutqan, şu cümleden «Rus Birligi» firqası, miting iştirakçilerine qarşı çıqqan edi.
Rusiye mahkemesi iyül 20-de qapalı toplaşuvda «fevral 26 işini» ekige böldi: ayrı – Ahtem Çiygoz boyunca, ve ayrı – cinaiy iş boyunca qabaatlanğan Ali Asanov ve Mustafa Degermenci boyunca.
