Link açıqlığı

Saatnıñ esas haberi

Qırımda «Hizb ut-Tahrir işine» dair Yaltalı mabusnıñ işi boyunca mahkeme toplaşuvı başlandı


Emir-Usein Kukunıñ işi boyunca mahkeme toplaşuvı
Emir-Usein Kukunıñ işi boyunca mahkeme toplaşuvı

Fevral 20 künü Kreml nezaretindeki Qırım Yuqarı Mahkemesinde «Hizb ut-Tahrir işiniñ» Yaltalı mabusı Emir-Usein Kukunıñ ceza müddeti uzatılmasına qarşı şikâyet arizasınıñ baqılması başlandı. Bunı Radio Svoboda muhbiri bildirdi.

Bundan evel Emir-Usein Kuku ve advokatı Aleksey Ladinniñ şikâyet arizasınıñ baqılması fevral 20 kününe keçirilgeni aqqında haber etilgen edi.

«Hizb ut-Tahrir» davasınıñ Yaltalı iştirakçileri yarım yıldan ziyade apiste yata. Birinci dört kişi 2016 senesi fevral 11-de yaqalanğan edi. Olarnıñ arasında İnsan aqları bağ gruppasınıñ azası Emir-Üsein Kuku da bar. Ondan ğayrı qurucılıqnen oğraşqan Aluşta sakini Müslim Aliyev ve Qızıltaş köyüniñ sakini Enver Bekirov, ve Yaltalı çeçek satıcısı Vadim Siruk da yaqalanğan edi.

«Hizb ut-Tahrir» halqara islâm siyasiy teşkilâtı, bütün musulman devletleriniñ islâm halifatına birleştirilmesini öz maqsadı olğanını ayta, amma olar, bu maqsatqa irişmek içün terroristik usullarnı red ete ve Rusiyede adaletsiz taqip etilgenini ayta. Rusiye Yuqarı mahkemesi 2003 senesi «Hizb ut-Tahrir» teşkilâtını 15 «terrorist» birleşme cedveline kirsetip, onı yasaq etti.

XS
SM
MD
LG