Link açıqlığı

Keriç parom keçitinde qomşu Rusiye tarafından «Kavkaz» limanında 928 yük maşinası 103 saat devamında parom beklep tura. Bunı fevral 17 künü «Deñiz müdirligi» («Morskaya direktsiya») şirketiniñ matbuat hızmeti bildire.

Haberde: «Kavkaz» limanı tarafından 104 saat devamında parom beklenile, «Кrım» limanı tarafından ise – 35 saat. Rusiye tarafından nevbet sırasında 928 yük maşnası, Qırım tarafından ise 258 maşna tura», – dep aytıla.

Matbuat hızmetinde bildirdiler ki, «Kavkaz-Krım» yolunda «Krım», «Boris Ştokolov», «N.Aksenenko», «Pobeda» ve «Yeysk» paromları yüre.

Fevral 16 künü aqşam, yük maşnalarınıñ aydavcıları Rusiyenıñ Krasnodar ülkesinde zapt etilgen Qırımğa alıp barğan Keriç parom keçitine yolunı qapattılar. Böylece, buz örtüsi ve ava bozulğanı sebebinden çoq beklemege mecbur olğan aydavcılar itiraz bildiler.

Keriç boğazındaki parom keçiti Qırımnı Rusiye Federatsiyasınıñ Krasnodar ülkesi ile birleştirgen esas naqliye bağıdır. Ukraina qanunlarına köre, Keriç keçiti üzerinden Qırımğa kiriş yasaq etile ve devlet sıñırını keçüv qaideleriniñ bozulması sayıla.

XS
SM
MD
LG