Fevral 12 künü aqşam Qırım memuriy sıñırı yanındaki Çonğar köyünde yüz bergen adise içtimaiy ağlarda bir çoq muzakerelerge sebep oldı. Davanıñ eki tarafı da – Ukraina Silâlı Quvetleri ve «Asker» cemaat birleşmesi tartışma yekünlengenini aytsalar da, cematnıñ cevaplanmağan sualleri qaldı.
İçtimaiy saifelerde adise aqqında izaatlar duyğulı oldı. Çoqusını bu adise hoşlandırmadı ve şaşırdı.
Pek çirkin areket. Malümat pek az, amma ne olsa da, vatanperver cemaat teşkilâtınıñ ordu tarafından zapt etilmesi mümkün degil.
Akimiyette üç yıl devamında Qırımnıñ qaytaruv ve yañıdan integratsiya strategiyasını öyle de azırlap olamadılar, lâkin içimizdeki tartışmalar içün «brigadanı» endi teşkil ettiler. Devletimizde qanun degen şey barmı?
Bu devlet yeñilmez. Keregi de yoq. O özü bunı becerir.
Erfan Kudusov: «Moskoviya! Titrep otur! Qırımtatar batalyonı bütün Cenübiy komandanlıqnı qorquttı! Olar polk teşkil etseler, ne olacağını tasavur etmeyim bile!»
Bu daa olarğa silâ berilmedi )
Albu ki, silâ meselesi pek de aydın olmadı. Meselâ, Çonğada tapılğan silânıñ böyle bir cedveli derc etildi:
Şahsen meni bu pek de şaşırtmadı...
Nasıl da olsa, davanıñ eki tarafı da çatışma bitkenini ayta. Lâkin cemaatnıñ sualleri qaldı.
Afu soramaq – yarın aynısını yapmamaq manasına kelmey
Ve kene de bu kibiadiselerniñ esas sebebini qayd etmeli. Qomşu devletniñ ucumlarına qarşı davranğan Ukraina vatandaşlarınıñ areketlerini mahkemede qabaatlamaq vahşiyetiniñ sebebi de aynı. Sebep – Ukraina ukumetiniñ areketsizliginde.
Bu ikâyeniñ soñu bir-az beklenilmegen kibi oldı. Mudafaa nazirliginiñ yolbaşçıları «Asker» teşkilâtınıñ azalarından ibaret Ukraina Silâlı Quvetleriniñ ayrı qırımtatar arbiy bölügini teşkil etmek meselesini baqmağa azır.
Demek ki, er şeyniñ bir hayırı bar. Yaşasın batalyon! ))
