Link açıqlığı

Çonğardaki zıddiyet: Ukraina silâlı quvetleri ve qırımtatar faalleri (video)


Fevral 12-den 13-ne keçer gecesi Çonğar köyü civarında Ukraina Silâlı quvetleriniñ askerleri ve «Asker» cemaat birleşmesiniñ faalleri arasında zıddiyet oldı. Farqlı malümatlar bar, yerli sakinler bile bir-birine zıt kelgen malümatlarnı paylaşa. Qırımtatar Milliy Meclisiniñ azası Abmecit Suleymanov USQ askerleri olarnıñ lagerlerine cenk tehnikasınen kirdi, dep tarif ete. Suleymanovnıñ aytqanına köre, olardan biri sarhoş edi. 57-nci ayrı batalyonnıñ komandanı Dmitriy Krasilnikov bam-başqa şeyler ayta. Onıñ bildirgenine köre, USQ askerleri faaller arbiy talimlerge yañlış yanaşqanları içün «Asker» lagerine kirdi. «Cenüp» komandanlığı matbuat hızmetiniñ yolbaşçısı İgor Birükov faallerniñ silâsı tapıldı ve tutıp alındı, dep qoştı. USQ «Askerden» afu sorap, ileride Ukraina havfsızlıq hızmetinen beraber faallerni de keçirilecek talimlerden haberdar etmege vade etti.

XS
SM
MD
LG