Link açıqlığı

2017 senesi yanvar 26 kününden fevral 5 kününe qadar qırımlı advokat Emil Kurbedinov adiy ayatıdan çetleştirildi: onı 10 künge apis ettiler. Advokat emin ki, böyle areketler uydurma sebeplerden yapıla, Rusiye taqiqatçıları onı qanunsız şekilde müşterilerinden ayırdı ve sadece müşterilerinen bağlı gizli malümatnı elde etmek içün tintüv keçirdiler. Onıñ müşterileri sırasında jurnalist Nikolay Semena ve işğal etilgen Qırımda yaşağan diger siyasiy mabuslar.

Radio Svobodanıñ ştattan tış muhbiri Anton Naumlük Emil Kurbedinov azat olunğanınen onnen subetleşti.

–​ Hatırlatarsıñızmı, nasıl vaziyete sizni yaqaladılar?

– Men zenaatdaşım Edem Semedlâyevnen birlikte Seyran Saliyevniñ evinde yapılğan tentüv yerine kete edik ve advokatlar olaraq yardımda bulunacaq edik. Amma yolda bizlerni polis hadimleri toqtattı. Olar vaqıt sozğanları birden añlaşıldı. Soñra yaqalav taqımı keldi ve meni memuriy iş boyunca yaqalaylar. Soñ bizler protokol yapmaq ve mahkeme keçirmek içün Aqmescitke keldik.

– Bu iş sadece tesaduf olğanını tüşünmeysiñizmi?

– Menim içün bes-belli, bu planlaştırılğan aktsiya edi. Eñ azından Rusiye silâlı hızmetler hadımleri, Aqmescitten çıqıp, Bağçarayğa yaqınlaşqanda meni yaqalağanları bunı isbaatlay.

– Mahkeme nasıl keçti?

– Fikirimce, büyük bozuvlar ile. Meni 2013 senesi internette ekstrimistik matümatnı yerleştirgenime qabaatladılar ve bu meselede ekspertniñ hulâsasını da ketirdiler. Kerçekten de, içtimaiy saifemde 2013 senesi «Hizb ut-Tahrir» mitinginden video bar, o vaqıt bunı bir tek tenbel kişi muzakere etmegendir. Añlaşıla ki, taqiqatçılar başqa bir sebep tapamadılar ve meni 10 künge apıs etmek içün bunen faydalandılar.

– Fikiriñizge köre, apiske alınğanıñıznıñ kerçek sebebi nedir?

Ofisimizde bütün tehnikamıznı tutıp aldılar, şu sırada menim tehnikam, gizli advokat sırını taşığan vesihalarile malümat taşıyıcı tehnikam

– Bu menim advokatlıq işime qarışmaq demektir. Maña Seyran Saliyevnen olmağa çare bermedler – men olmağance onnen apis müddetini uzatmaq içün bir-qaç mahkeme toplaşuvını keçirdiler. Ofisimizde bütün tehnikamıznı tutıpaldılar, şu sırada menim tehnikam, gizli advokat sırını taşığan vesiqalar ile malümat taşıyıcı tehnikam. Bunıñ episi devletke teslim etilmeycek şeyler – arizalar, mahkemede qullanacağım vesiqalar. Adliyeviy ceetten, bu apisniñ özü – atta Rusiye içün unikaldir.

– Kimge itirazıñıznı bildirecek olasız?

Tintüv keçirgende olar eñ azından advokat dosyelerimi baqıp çıqtılar, şu sırada siyasiy işlerni de. Bu bütün qanunlarğa zıt kele

– Men bellesem, advokatlar cemiyeti bu munasebetnen mıtlaq seslenmek kerek. Apiste olğanda men bir-qaç şikâyet yazdım, şu sırada Rusiye FSBsine de yolladım. Men bildirdim ki, apiske alınğanımdan soñ bütün tapılacaq deliller – qanunsız usulnen alınğan olacaqlar. Mahkemede daa şaatlıq yapmağanlarğa silâlı hızmetler endi basqı yapa bilecekler. Devlet, öz malümatlarını saqlay, cinaiy işler ile bizlerni soñki daqqada tanış eteler, advokat sırı ise Rusiye taqiqatçıları içün yoq. Tintüv vaqıtında olar, eñ azından, advokatlıq dosyelerimi baqıp çıqqanlarında eminim, şu sırada siyasiy işlerni de baqtılar. Bu bütün qanunlarğa zıt kele.

– Böyle vaziyette müşterilerni nasıl etip qorçalaycasıñız?

– Bizler epimiz añlaymız ki, bu kibi işlerniñ neticesi evelden belli ola, ve o qabaatlanğanlarnıñ kârına kelmey. Lâkin eñ esası – memi belli bir iş ceryanımdan urıp çıqardılar, er şeyni tüzetmege qolay degil. Er alda, biz küreşni devam etecemiz ve taqiqatçılarğa endi malüm olğan şeylerni köz ögünde tutacamız. Yüz bergen bütün bozuvlar aqqına men bar sesimnen haber etecem, videolarnı yerleştirecem, normal ve sağlam qanunlarğa qarşı kelmegen er şeyni, kerekli dep saysam, beyan etecem.

XS
SM
MD
LG